lablayp

haay eto nanaman.. buhay pagibig. ano nga ba ang saktong depinisyon ng salitang pagibig o love? minsan kase naguguluhan ako kung pagmamahal nga ba iyon o pinapahalagahan mo lang . malaki ang difference nun diba? pero ang alam ko.. seryoso man o hindi may pagmamahal parin dun.. hindi lang naten tinatanggap at nauunawaan ang nararamdaman ng bawat isa. tulad ko, base sa experience ko sa pakikipagrelasyon, bago pa man ako pumasok rito, eh, meron ng kahit kaunting pagtingin sa kanya at onti onti lamang itong nadadagdagan at naging pagmamahal na habang tumatagal. hindi ko siya natutunang mahalin, i believe we were meant to be inlove. ^^ masaya ako sa pagmamahal na iyon. mas nauunawaan ko ang mga nakikita kong drama sa telebisyon at maging sa realidad. mas masaya ako sa estado ko ngayon kumpara nung single pa lang ako. syempre kahit sino naman, mas ramdam ang saya pag may kapartner sa buhay, hindi ba? ^_^ yun nga lang.. meron din lungkot at hindi maiiwasang magkaroon ng hindi pagkakaunawaan na maaaring magdulot sa hiwalayan. tulad ko rin na nakararanas nito, madalas mangyari sa amin 'to. madaling magmahal, mahirap masaktan. nagmamahal ka na nga, nasasaktan ka pa. unfair diba? minsan nga pumapasok sa isip ko mas masaya pa maging single, walang mananakit sa'yo, walang magpapaiyak, hindi mo mararamdaman ang tampo at sama ng loob. pero sa kabila nun, mas pinipili parin natin makipagrelasyon dahil alam natin ito lang at ito lang ang magbibigay sa atin ng tunay na saya. haay.. sa ngayon at hanggang ngayon, hindi ko parin alam ang saktong depinisyon ng pagmamahal.. lahat naman tayo likas sa atin ang magmahal.. magmahal sa kapwa, sa pamilya, sa kaibigan, sa sarili, sa mga taong dumaan lang sa buhay natin at syempre sa ating mga kabiyak. maraming depinisyon ang pagibig at kanya kanya tayong may sariling pagunawa dito depende sa mga karanasan natin. ang sa akin lang, hanggat masaya ako sa binibigay niyang atensyon at pagmamahal, pagibig ang tawag ko dun. masaktan man ako at patuloy na luluha, pagibig pa rin yun. sana lang malaman niya na hindi ako katulad ng iniisip niya sa akin. sa totoo lang, ako'y nagdaramdam at nasasaktan dahil pakiramdam ko ang baba ng tingin niya sa pagmamahal ko. T.T